نوليا: التريند بقى إدمان.. واللي طلعوا تريند استفادوا إيه بعد ما بوظوا سمعتهم؟
وليد محمد
أعربت نوليا عن استغرابها الشديد بسبب تسابق رواد مواقع التواصل الاجتماعي، على تصدر تريند محركات البحث، مؤكدة أن الأمر أصبح إدمان، منتقدة عرض مشاكلهم الشخصية عبر مواقع التواصل الاجتماعي.
وقالت نوليا، في برنامجها “من غير نفسنة” الذي تقدمه مع الفنانة انتصار وبدرية طلبة، عبر شاشة قناة “هي”: التريند إدمان يعني كل ما يعلوا المشاهدات تجيلهم فلوس أكتر، يعني استفادوا إيه من اللي عملوه وبوظوا سمعتهم؟، علشان التريند يبقى تريند بجد لازم يتطبخ على نار هادية، يعني تجتهدي في شغلك، لكن دلوقتي الموضوع بقى تافه وأي حد بيطلع تريند، ويعني إيه يتكلموا في مشاكلهم الشخصية؟.
وتابعت: في مواهب كتير حقيقة هي اللي تستحق الاهتمام ده، يعني أسيب عازفين بجد وممثلين وعلماء، علشان أتفرج على واحد بيخبط على صدره؟ طب هات واحد ينفع يبقى قدوة.
من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
