صاحبتي شعر سكينة الصولي ٠٠ أنا عندى صاحبة بأحبها دايما" تجيلي وأروح لها عشنا المحبة شابة وشابة وفى المغبة أجري لها أسأل عليها وأودها ٠ أصل الصداقة حصن الأمان ٠٠ قنديل منور عبر الزمان لو روحت حتة فيها صديق تلقاه يقابلك وسط الطريق والحضن دافى والود وافى ولافيه تجافى ولا نسيان ٠٠ فى دنيا بيعمرها الإنسان ٠ ياريت نتواصل وياالحبايب والحاضر يسأل عن إللي غايب ٠٠ والود يفتح كل القلوب ولا يبقى غالب ولا مغلوب والدنيا تبقي زهور وربيع ٠٠ والحب يعمر بين الجميع ٠ نفتح قلوبنا لكل أصحابنا ٠٠ ولاتقفل بابنا والود شفيع والصاحبة تسأل على صاحبتها ٠٠ تفضل مداومة على صحبتها ٠٠٠ وتروح لها لحد بيتها ولافيه عتاب بين الأصحاب نختار صديقنا قبل طريقنا مايجيش فى وسط السكة يسيبنا ٠٠ والدنيا تقلب لنا وشها أنا ليا صاحبة بأحبها بتودنى وبأودها ٠٠ ولاعمرى أستغني يوم عنها ٠٠
