ما بلاش كلام عن اللي فات وتصحى فيا الذكريات

‏بقلم ولاء الدسوقي

ما بلاش كلام عن اللي فات وتصحى فيا الذكريات
ماتقوليش كان بينا حب
حب إيه ما كله مات

‏عيشت ليكى وكنت مخلص وإنتي حبك كان بينقص
كنت بس لما أشوفك
قلبى م السعاده يرقص

قلبى مش لعبه فى إيديكى
قلبى فعلآ كان شاريكى
قلبى حبك بس إنتى
كان طبع الخيانه فيكى

( علشانك عديت ع الجمر
واتحسب كل دا م العمر
كنت معاكى طفل ضايع
وانتى كنتى ليا أم )
دى ال هتقولها كلام مش أغنيه

بلاش أصارحك عن حقيقتك
علشان هضيع فيكى وقتك
إنتى عايزه كل حاجه
كل حاجه تبقا ملكك

كنتى فى الوريد سكنتى
قولت للكل دى حبيبتى
فكرتى إنك هتكسبينى
لكن بجد إنتى خسرتى

حد واهب نفسه ليكى
باع الدنيا وكان شاريكى
قلبى حبك بس إنتى
كان طبع الخيانه فيكى

العنوان : قلبى مش لعبه فى إيديكى
ولاء الدسوقى