بتسألني ليه اتغيرت …؟ .. خاطرة بقلم الكاتبة/د. لبني يونس
اه اتغيرت …….
اصلي كنت مدية الامان بزيادة، وماكنش عندي بند اسمه الغدر ولا الخيانه،
اه اتغيرت
اللي شفته معاك خلاني غصب عني اتغير ،
اصلي بسببك اتوجعت ويمكن كمان اكون اتقهرت.
بصيت لنفسي وحاسبتها
ليه عني رحلت
انا معاك في أية قصرت..!؟
بس اقولك علي حاجه
كان لازم اتعلم الدرس وأبطل سذاجه
والطفلة البريئة جوايا كان لازم تكبر
وماتديش في المشاعر للي ذيك كل حاجه.
اه اتغيرت
إحساس اني فجأة خلاص كبرت وإن العُمر بيا مر ،
مسئولياتي زادت وأولياتي كمان أتغيرت ومش بس اللي اتغيرت ، حزني حبسته جوايا ، حتي بكايا أصبح صمت ،بالقوة والسعادة في عز ضعفي وعز حزني أظهرت،
اصلي فعلا اتغيرت