هناء زغلول تكتب قليل الأصل يكسب

قليل الأصل يكسب 

بقلم الكاتبة والأديبه هناء زغلول

#قليل_الأصل_يكسب ويكبر علي حساب الاصيل و يسبقه و يدوس عليه ويشوهه ويعيش دور المصلح الاجتماعي والصاحب المثالي

وتلاقيه ماشي يغني انا جدع ايوه انا جدع، عشان ضميره يرتاح و يصدق نفسه

قليل الاصل،، يكسب أصحاب المصلحة والمنافقين والمنتفعين،، ما هما شايفينه جدع زيهم …

قليل الأصل يكسب فلوس وشهرة وتطبيل وكل ما يعلا هيشوف نفسه قليل و عقده النقص هتسيطر عليه

قليل الأصل هتلاقيه حواليك في كل مكان بس مش هتعرفه من ملامحه هتعرفه اول ما مصلحته تبقي ضدد مصلحتك أو لو عليت عليه لازم يحفر لك عشان يوقعك وهو بيظهرلك أنه بيعمل لمصلحتك …

قليل الأصل بيكسب تعاطف اللي حواليه بيتمسكن لحد ما يتمكن واول ما يتمكن بيقلب حية تلدغ كل اللي حواليها

خلي بالك منه دا حويط

قليل الاصل يكسب بس عمره ما يعلي ولا يزيد طول عمره هيفضل قليل