التوازن النفسي… حين يتوقف الصخب في الداخل

كتبتها د/ ماهي احمد
التوازن النفسي مش حالة “سلام كامل”… بالعكس، هو القدرة إنك تفضل واقف حتى وإيدك بترتعش.
هو إنك تتعرض لضغط، صدمة، خذلان، خوف… وبرغم ده، تقدر ترجع لنفسك من غير ما تنهار أو تفقد ملامحك.
التوازن النفسي مش إن حياتك تبقى كاملة،
هو فن ترتيب الداخل:
تقبل… ووعي… وحدود… ومسافة آمنة بينك وبين اللي بيستنزفك.
في لحظة معينة بتفهم إن التوازن مش جاي من الناس، ولا الظروف، ولا استمرار الأشياء…
التوازن بيطلع من قرار واحد:
“أنا مش هسيب أي شيء يهز قلبي أكتر من اللازم.”
التوازن النفسي يبدأ لما:
تبطلي تطاردين اللي مش ليكي.
توقفي جلد الذات.
تحترمي طاقتك وحدودك.
وتسمحي لنفسك ترفض، وتنسحب، وتختار.
لأن اللي بيحافظ على نفسه…
مش أناني،
ده واعي.
وفي النهاية…
التوازن النفسي مش حالة بنوصل لها ونرتاح…
ده أسلوب حياة، بنعيشه كل يوم، بالعقل اللي بيفهم، والقلب اللي اتعلم، والروح اللي بقت أقوى من أي هزة.