حوار بين ريان وأمه
بقلم : رومانى عاطف
(ريان)
ياماى …….
مدي ايديكي وشديني من البير
ماتسبنيش للسكوت وللعتمه أسير
انا مش فاهم كلام العالم
ولا فاهم كيف الامور بتسيير
لكني من وانا ف بطنك
ولما اتولدت علي كفك
عارف ان انا يمك
كل الامور بخير
ياما مدي ايديكي وشديني من البير
جعان ياما وعطشان
وهنا الضلمه كحُله
عارف ان انا صغير
لكني حاسس بوحده
؛؛؛ الأم
ولدي…..
وجع الدنيا ف كفه
ووجعي عليك ف كفوف
يعز عليا ياولدي
تطلع م البير ملفوف
وكلتك وشربتك من ثمره بطني
وجيت وكبرت وانت علي صدري
غصب عني ياولدي
ايدي قصيره والبير غويط
اخاف اقف ع البير وابكي
دموعي تغرقك وتزيد
عامل كيف ف برد ال سقعه؟ ………….. وكيف اتحملت؟
كُنت بتنادي عليا وانا سامعه.. أوعى تفكرني اتغيرت
امُك ياولدي كان قلبها مخلوع عليك
واملها الوحيد تسمع خبر يطمنها عليك
انك خرجت من البير حي
حتي وملاك الموت واقف
متأكده ياضنايا إنك جي
وتحكيلي واحكيلك والناس تسمع وتشوف
مجاش ف بالي ياولدي
هيطلعوك م البير ملفوف
رومانى عاطف
