نوليا توجه نصيحة للفتيات: الرجالة اللي بجد قليلة.. متروحيش ترمي نفسك في التهلكة علشان تتجوزي وخلاص

وليدمحمد

أكدت نوليا أنها ضد الطلاق، ولكنها تشجعه في حالات معينة، كما وجهت نصيحة للفتيات بالتأني في اخيتار الزوج وأن لا تقبل بأي شخص يتقدم لها معلقة: مترميش نفسك في التهلكة.

وقالت نوليا، في برنامجها “من غير نفسنة” الذي تقدمه مع الفنانة انتصار وبدرية طلبة: أنا طبعًا ضد الطلاق، مش مع الطلاق إلا في الحالات القصوى الميؤوس منها، وبشوف بنات الأيام دي بيوصل سنها 28، بتبقى قاعدة خايفة أن يكون فاتها حاجة، هي فاتها كتير فعلًا بس مش عايزة أحبطك، ولكن الناس فاكرة أن الجواز ده دلع.

وتابعت: اللي بيحصل أنك بتبقي روقان أوي قبل الجواز، وخديها كده علشان متزعليش لأن مفيش عرسان، وعلشان تتجوزي لازم يبقى راجل أوي وجدع وأخلاق، والعرسان الرجالة بجد قليلة، فمتروحيش ترمي نفسك في التهلكة علشان تتجوزي وخلاص.

وأضافت نوليا ممازحة: أنا بعد ما بقيت سينجل لبست أصفر وحطيت أحمر وجيت لكم في البرامج، ونورت وتألقت وتلعلعت، كنتوا بتشوفوني على شاشات الميكرويف ودلوقتي على شاشات التلفزيون.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.