حلل يا دويرى ... كلمات الشاعر/ محمد على عاشور حلل حلل يادويرى ولا ليفربول ولا سانجيرمان ماتش الماتشات ومافيش زيه على أرض العزة الجبارة لعيبه أشباح بتلاعب جيش و تصيد ف جنوده المرعوبة من اسم ح م ا س و خرافة الغول فى الحدوتة طلعت بصحيح بيصيدوا جنود لابسه الباميرز عاملين حمام على أراوحهم من كتر الخوف ميركافا تروح ورا جرافة و النمر حزين حمساوى يصور ويصوب و يدمر فخر المقاطيع و يكبر مع كل قذيفة و يقول الله و قلوبنا تهلل م الفرحة عشمانه ف الله و ملثم يطلع ويفرح كل العشاق و دويرى يطل من الشاشة بكل شياكه و يقول تحليل و بقينا بنستنى النشرة كل الاوقات يارب الكون ثبت أرضك تحت الأبطال ويا رب الكون سدد سدد رمى الراميين
