قلب واحد هدف واحد صابرقدح
قلب واحد هدف واحد
صابرقدح
ولأن لازم يكون فيه تغيير
وتعيش في بلدك كأنك أمير
وتعيش في بلدك بكرامة
لازم و حتما يكون في ضمير
لازم نزرع الأرض أمل
ونحصد من الشمس العبير
لملم خطاوى الضيّ في طريقنا
و نخلى الجمال صديقنا
وصباح الصبايا الجميل
فارش ضلته على العيلة
ویللی بينا هيلا بيلا
تحط ايدك في إيدينا
ننوى والنية خير
ان يكون فيه تغيير
ولحد امتى نبقى متفرقين
وعايشين وكأننا مش عايشين.
حظ الأمانى بقى بعيد
والعيد اللى كان بيجمعنا
بقی أمل وايه العمل –
غير اننا نصفى نیتنا
تشبعنا قلتنا والعيد بجد
يبقى عيدنا
يا بن بلدى ولدك وولدى
محتاجين رجال
شوفوا كنا ايه وبقينا ايه
كنا مافيش حد بيبات من غير عشا
وبعد العشا يحلى الموال
نفسنا نرجع نسيج واحد .
قلب واحد هدف واحد
ما تفرقنا فتنة ولا تبعدنا .
مسافة
يا اهل بلدى كفاية فرقة
شايفين أد إيه بقينا فى غرقة .
واللي يجي من بره نديله صوتنا ..
ويشبع فينا تلطيش وسرقة.
ياسر منصور منك ومش عليك .
ابن بلدك حتما يعليك ،
بن بلدك علشان خاطرك ..
يجبر بخاطرك ويفديك
كلنا أصهار وأرحام.
و شبكة تقطيعها حرام
مد إيدك للجميع بالسلام.
وتبقى بلدنا هيا الإمام
ياأ سد بسم الله والنبي حارسك
افرد كتابك وورينا درسك
قول بسم الله وتوكل على الله
إبن الأصول يسلم حرثك وغرسك
ازرع تكاعيب العنب لجل اهلك
أهل الدائرة يا أسد كلهم أهلك
الكل تعبان و نفسه يوم يرتاح
حقق أماني التعبانين على مهلك
یاسر. ياسر أسرار النجاح مع الله
خليه قبالك وفي كل اتجاه
دا تكليف من ربنا لازم تحفظه
وخلى بابك مفتوح دايما لله
باذن الله دایما تكون منصور
الإسم ياسر والأسد منصور
صافي النية على الخير ناوى
تلاقى النور بكل الطرق منشور
وختاما وما فیش بیننا ختام : مصالحنا دايما في لمتنا والسلام
رب البرية معانا بيحمينا .
تطرح شواشي اللقا فكر و إلهام
وننام ونصحى فى ود ووئام.
سيدنا النبي قدوتنا :
ويبقى نجاحنا على الدوام .
وعشان ما يكون في تغيير
لازم ننشر الحب ونصحى الضمير
حط ايدك في ايد ابن بلدك.
هتلاقى فينا الصغير بقى كبير
هتلاقى فينا الصغير بقى كبير
صابرقدح
٢٠٢٥/١١/١٥
