أخر الأخبار
{عيون بتحكي} بقلم وريشة: دنيا إبراهيم
{عيون بتحكي}
بقلم وريشة: دنيا إبراهيم
عيون بتقول كلام،
نظرات حب وهيام،
وعيون بتحب بلهفة وغرام،
وعيون كسرها الشوق،
برسم مشاعرها،
وحسّها هتقول كلام.
نظرة أمل تايهة
مع الأحلام،
طفلة بريئة
تضحك للأيام،
ستّ جريئة
تخطف قلب الولهان،
لمحة حنونة
محتاجة عطف وحنان،
عين حزينة
تقول: “ياريت مكان اللي كان”،
رمشة حيرانة
في انتظار فتى الأحلام،
نظرة رضا
تهمس: “كل شيء مقسوم من عند الرحمن”.
وفي النهاية،
كل العيون حكت،
إلا عيوني،
اللي سرها جوه جفوني.
بقلم وريشة: دنيا إبراهيم
