يادنيا.. بالعامية المصرية عاطف علي خضر
يادنيا..
بالعامية المصرية
عاطف علي خضر
ليه يا دنيا تغرينا بالأماني
عمرها ما دامت معانا غير ثواني
بطلنا نتعلق بيها لأن كل شئ فاني
مفيش احلى بالرضا بالمقسوم
ياريت الحال على كدا يدوم
مش عاوزين غير الستر ومش كتر هدوم
القلب لو مش قانع يعيش صاحبة دائما محروم
وعينه تزعلل بسرعة على أكل الحرام
بس مين اللي عنده قلب ياكل سحت ويعرف ينام
احنا بالعافية عايشين ولأكل العيش عايشين خدام
على الأقل أحسن من الحوجة لأولاد اللئام
والحمد لله مفيش حد من غير عشاء بينام
والناس معندهاش غير كلمةالعيشة مرة
اللى عايز يرتاح لازم يحمد ربنا على اي نعمة
ميغركش شوية عيال بيلعبوا بالفلوس
ده أولاً رزق و ابن الاصول الفلوس متغيروش
واياك تنسى نعمة الصحة واللف على الدكاترة
وكمان ربنا ما يرميك في ضيقة الحسرة والندامة
رغم كده اوعى تغيب عنك الإبتسامة
واعرف حاجة مهمه خليها حكمة دايمة
عشان تعيش مرتاح
أبعد عن كلام الناس
واقعد مع ربك كل يوم
وادعي من قلبك هو سامعك كويس
وخلي الدمعه السخنه تنزل على قلبك
دي تطفي نارك وتهدي اعصابك
و افهم كويس إن الشكوى لغير مذلة
ربك كريم قريب منك أوي أوي أكثر مما تتخيل
أرفع ايدك لفوق كأنك بتشحت منه
طبعا مافي أكرم من ربك يا عبد يا فقير
واحمد ربنا ع اللى انت فيه
كل واحد فينا اللي فيه مكفيه
ويلا بقى السلام ختام
…. عاطف علي خضر
