نعيش بنورك كلمات الكاتبة والأديبة قدرية مصطفى

نعيش بنورك

للشاعره قدريه مصطفى

،،،،،،،،،،،،،،،،،،،،،،،،،،،،،،،،،،،،،

رمضان جانا على مهِلِه ونوّر ليلنا

غسل قلوب تعبانة وداوى ميلنا

كان الزمان قاسي علينا وهمّه زاد

جه رمضان قال: الصبر دايمًا سبيل لينا

فيه الصيام بيهذّب النفس ويقوّمها

ويعلّم الروح إن الطهارة أصل فينا

قرآن بيتقري وصوت الدعاء عالي

والليل ساجد، والفجر شاهد علينا

فانوس بيضحك في الشوارع والبيوت

والخير ماشي في الطرقات شايل أهلينا

إيد بتطبطب، ودمعة بتغسل ذنب

وباب سما مفتوح ومستني دعينا

يا شهر كريم، خليك شاهد علينا

إن القلوب في حضنك لاقت راحة وخير لينا

لو يوم تمشي وتسيبنا لي ليالينا

سيب فينا نورك علشان يكمّل فينا

نعيش بنورك حتى لو غبت عن عينينا

ويشهد علينا الخير إنك ربيته فينا