أنا مش لأي حد بقلم الشاعرة قدريه مصطفى

أنا مش لأي حد

بقلم الشاعرة قدريه مصطفى

،،،،،،،,,,,,,,,,,,,,,,,,,,,,،،،

عمري ما كنت لقطة لعين تعدّي وتشوف

ولا حكاية سهلة لأي حد يقرب ويشوف

أنا مش حلم تغرق فيه وخلاص

ولا حب يكسرك ويكتب لك الإخلاص

أنا ست… لو حبيت أحيي قلب مات

ولو سيبت… أعلّمك إن البعد ثبات

ما تحبّشنيش بعجز ولا بانكسار

أنا ما أقبلش قلب جايلي منهار

ويقول هحاول ابقى معاكي باستمرار

الحب ما فيهوش لعب ولا هزار

اللي يدخل حياتي… يدخل وهو قدّي

واللي يقرب مني… يكون عارف حدّي

قلبي مش مفتوح لكل اللي ييجي

ولا اسمي يتقال في كلام فاضي ويعدّي

أنا مش محطة لحد تايه وراجع

أنا سكة… يا تكملها صح يا تِرجع

أنا بداية قوية للي يستاهلني بجد

ونهاية قاسية… للي ما يعرفش قيمة العهد 🔥