مسرحيه العمر بقلم الشاعره قدريه مصطفى
مسرحيه العمر
الشاعره قدريه مصطفى
،،،،،،،،،،،،،،،،،،،
على مسرح الدنيا تقابلنا
وكلنا لابسين وشوش
ضحكه مرسومه على الوجوه
وجوه قلوبنا جروح وبوح
بيسقونا كلام حنين وفى
طعمه سم السنين
يحبون يوم وينسونا يوم
والدنيا بقت مشهد حزين
فاكرين لما كنا صغيرين
نغني الحب بنيه صافيه
دلوقتي كل الحواديت تمثيل
والعشره بقت حكايه زايفه
كلاكيت واول
نفس الكلام ونفس الدور
يضحكوا وهم جواهم نار
ويسقفوا للقلب المكسور
يقولوا حبك حياه ويرمو
في سكتك النهايه
وكل واحد عايز يبان
بطل في مسرحيه او روايه
دنيا تمثيل ما فيهاش حنين
والصادق فيها حزين
يدي قلبه ياخد جرح
ويعيش في دوري المظلوم
سنين
ولكن انا،،،،،،،
لا هكمل تمثيل ولا دور
ولا اعيش كذبه مع الغرور
هقفل الستار بايدي واسيب
المشهد للمغرور
نزل الستار والمكان ساكت
والنور خفي والحلم فاتك
صقفوا شويه وسيبوني لوحدي
اعدى وجعي في سكوتي وحيرتي
باكيت ووقعت بهدوء
زي المطر على روح مخنوق
وقلت يا قلبي خلاص كفايه
كفايه وجع ومشاعر وحروق
خلاص قفلت الباب ورايا
وسبت المسرح وهم ونهايه
لكن في قلبي مشهد وحيد
مكتوب فيه البدايه
الحب الصافي معاش ولا هيعيش
في الحكايه
