ملقتشي أبوها شعر الكاتب والأديب محمود رمزي خليف
شعر محمود رمزي خليف
#جديد
ملقتشي أبوها
قالت هستني يروح الليل
والصبح بنوره يصفينا
والليل قادر علي كل كبير
ويجينا الصبح يصحينا
ويقولي يلا يا بنوتة
جهّزت فطارك والمصروف
وبوسة للخد يحليها
عمره في مره ما زعلني
هو أبويا وسندي وروحي
وكل حياتي وسنيني
هو أخويا وكنفي وأهلي
هما يدوب كام كلمة
والصبح هيجي يصحيني
واثقة في نبله وحبه أكيد
مش أول مرة هنتخانق
عملها كتير
والصبح يصحيني بعادته
ولو حتي أكون الغلطانة
بحنانه وحضنه بيرويني
عمري ما فكرت بأنه يكون
الأب الغاشم الآسي
دا حنانه كفيل علي كل الكون
واتكفل يمسح أوجاعي
قالت ودموعها تسيل فيضان
قالت بعيون غرقانة النوم
نامت بيقين تستني
في الصبح يجيلها يصحيها
صحيت من نومها بتسأل فين
والدموع الدنيا بتتسابق
والناس تتجمع علي الاصوات
وصراخ وعويل
والكل بينفض اوجاعه
وانا كلي الصمت في قلبي كلام
وكاني في فلم هفوق منه
أبويا دا مات
معقوله خلاص
مش هلمح طيفك يا عنيا
ولا ههرب من كل الكون ليه
واتخبي مابين أيده أبويا
ملعونه يا دنيا يا غداره
ملعونه يا لحظه هتبقي دمار
وتاريخ بيزل للموجعنا
ونصيحه وخدها لحد نبيل
إياكم تتخاصموا وتتباعدوا
إياكم مره تناموا بعاد
دا الموت اقرب من أنفسنا
وادي خطف النجم وكل الكون
يا أبويا يا سندي يا حبابي
الله يرحم كل أب
#المجنون
