أخر الأخبار
يا بحر أسرار الغياب كلمات الشاعرة والأديبة قدرية مصطفى
بقلم الشاعرة والأديبة / قدريه مصطفى
يا بحر أسرار الغياب
يا بحر واحشني بعادك
واحشني صوتك وسكاتك
والموج في حضنك بيناديني
زي طفل في حضن أمه ساكت
قلبي تايه في الميه مش عارف
يرسى على مرسى
ولا ألاقي فيه حنية
كل شط يوعدك حبه
ويرجع يسيبك وسط دوامة أنانية
مش مفهومة وأفكارها عشوائية
فأحكي لك وانت سامع وساكت
في سكون
كأنك عارف المي ووجعي
وعارف عاوز إيه أقول
فتبص ليّا من غير عيون
يا بحر الموجة دي شبه حبيبتي
تيجي حنينة وتروح جارحة
تضحك ليا شوية وبعدين تكسر فيا الفرحة
تمشي وتسيبني في حيرتي وسكوني
وتسيب جوه قلبي جراحه وهمومه
فما ليش غيرك يا بحر أجي له
أحكي له نفس الوجع ونفس الحيرة
كل مرة بكتب لك من تاني
وأفتح معاك دفاتر أحزاني
كأنك أنت الوحيد
اللي حافظ السيرة
