صرخة قلم ✍🏻 الشاعره قدريه مصطفي
صرخة قلم ✍🏻
الشاعره قدريه مصطفي
أنا قلم موجوع تايه في الألم
شايل حكايات تقيلة فوق كتف الندم
بكتب دموعي حبر سايح من القلم
وكل حرف في السطور شاهد: اتظلم
ليل الورق واسع وأنا غارق في العدم
صوتي مخنوق جوّه صدري بيتكتم
أحكي لمين والجرح ساكن في العظم
ده الصمت سجن… وأنا مسجون من القدم
قلبي ورقة صفرا بتدوب من السقم
والذكريات سكاكين تقطع في الحلم
بمدّ إيدي للحروف تقوم تترسم
ترجع تقول: نصيبك تعيش في الألم
أنا صرخة مكتوبة ومختومة بالندم
ل،و يوم سكِت… يبقى انتهى دور القلم،
ده الحبر روحي… والسطور دي قسم
أفضل أقاوم… حتى لو غلبني الألم🩶
