الصراحة مفيش راحة

الصراحة مفيش راحة

الصراحة مفيش راحة.. ده قانون في دنيتنا يا تعيش مداوي القلوب.. يا تموت بصدقنا تبدأ الحكاية بـ “بصة”.. من نظرة العين بتبان يا تكشف المستور وتفضح.. يا تداري في الكتمان —

ومسكة القلم شُجاعة.. بترسم وجع السطور تخلي الساكت يتكلم.. ويهدّ عالي السور من أول حرف كتبته.. لـ “ألف” كلمة تقيلة تلاقي الصدق بيشرّح.. جراح كانت طويلة —

أول “آه” ولفظ ألم.. طالع بصدق ونار أصل الصراحة في زماننا.. محتاجة قلب حمار! تشيل الحِمل وتواجه.. وتقول للأعور يا أعور تلاقي الكل بيبعد.. والكون حواليك بيدور —

يا صاحبي الصدق غالي.. بس تمنه “عزلة ووحدة” واللي يعيش بوشين.. بياخد الدنيا في سجدة لكن خليك صريح.. حتى لو الجرح صابك كفاية تنام وضميرك.. مش خايف من عذابك!

مفيش راحة في الصراحة؟.. جايز ده كلام أكيد بس الراحة في “النضافة”.. وقلب بجد حديد بُص في عيني وقولي.. ناوي تخبي لإمتا؟ الصراحة وجع ساعة.. ولا كدب يعيش جُتّة!

بقلم

السيد محمد عز العرب خليفة

مصر