ويزيد مابينّا للشاعر صابر قدح

ويزيدمابينّا

صابرقدح

ويزيد مابينّا البعاد

وانتى قاعدة بتغزلى

لحن الأنين

وبتلعنى أم السنين

ونسيتى إنك كل حضن للأمان

‏ بعتى القضية عشان

‏حبة غزل

‏وكلمة حلوة من الهطل

‏وكل همك تعسعسي

‏ في الدَرَج

‏وكل مانقول هاتْنفَرَج

‏تقومى تقفّلى كل البيبان

‏ونسيتى إنك كل حضن للأمان

‏وزمان شفتى أد إيه بِعتلك

‏عقد ملك للقلوب

‏ وفرشت لك العمر سهرةحلوة

‏جنب القمر

‏وغزلت لك احلى قعدة

‏بدموع السفر

‏ولجلك قضّيت العمر غريب

‏ولما بقيت قريب

‏بتوأدى كل لحظة صفا

‏وأى حضن للدفا

‏ولعنتى كل أبيات الوفا

‏وامان العمر اللى اختفى

‏كل ده ….وكفى

‏ماعادش صدر يقدر يشيل

‏ولاكتف يطرح نخيل

‏والصبح أصبح كأنه ليل

‏ماهو انت مصرة

‏ع الرحيل

‏وماعادش قلب يتحمل

‏بكا وعويل

‏أويزرع قدام الدنيا مواويل

‏روحى …فى طريقك

‏وأنا روحى ضلت طريقك

‏ماعدش ينفع نتحمل بعاد

‏ماهو إنتى جوة صدرى

‏إتقام عليك مليون حداد

‏ونسيت أصلا إنى كنت حبيب

‏ونسيت إنه كان فيه بعاد

‏بالسلامة ياللى ماعادش ليكى

‏أي حرف في دفترى

‏ولا فى قلبي عاد ليكى مِداد

‏وماعدش ليكي مِداد

‏صابر قدح

‏2021/7/9

‏

‏

‏