نور من باب مقفول قصيده للشاعره قدريه مصطفى
نور من باب مقفول
قصيده للشاعره قدريه مصطفى
،،،،،،،،،،،،،،،،،،،
انا اللي ببيع السعاده للناس
ومش عارفه اجيبها لنفسي
وياما بقول واقول
الصبر على الوجع مقبول
وسكتي مليانه الم ودموع
وجرحي انا في حضن الضلوع موجوع
اطبطب على جروحي واخبي
دموعي وامشي في الرجوع
اواسي القلوب وانا قلبي مكسور
بيني وبين الحب الف محطه وسور
وبفتح لغيري البيبان وانا في الضلمه بلا عنوان
انقذ قلوب من الغرق وانا في الحزن غرقان
دلائي مرسى ولا شط وسواد الليل عليا زعلان
يبكي ودموعه تغسل قلبي اللي من الحيره بقى حيران
قلبي،،،،اللي الحب لعدي عليه ولا قرب
افرح قلوب كانت حاسه بوجع
وقلبي عمره ما دق ولا جرب
وكل ما الحب يفتح لي باب
اقفله بايدي واسيب قلبي بعذاب وريدي
واصرخ بجراحي العنيد
ده الحزن ساكن في الملامح وبيمشي في خطى الوريد
لكن فجاه بان في قلبي امان
نفس دافي زي الحنان
نور داخل من باب مقفول
وقال لي كفايه ليل واحزاني
لقيت في حضنه فرحه سنين
وصوت بيرجع ليا الحنين
لا سال عني ولا قال انتى مين
ورجع السعاده اللي ما كنتش
عارفه اجيبها منين
