ياغربتي شعر سكينه الصولي
ياغربتي …لسكينه الصولي
جاوبينى عن سؤالى
ليه واخدة بالك منى
وفصولك حاتجننى
والدمع فاض فى الننى
من كتر ماجرالى
ياغربتي ………
بصيت فى الكون حواليا
لقيتك جاية وعليا
عملتى فيا كتير
قاصدنى بدون تفسير
إدينى ولو تبرير
عشان أكتم بيه عزالى
ياغربتي…………..
يكفانى مناهدة خلاص
داأنا تهت فى دنيا الناس
ولاعادليش بينهم خل
شايلين لى الخوف والغل
ليه معيشانى فى الذل
ماتشوفى حد بدالى ٠٠
ياغربتي…….ياغربتي
فين هو حبيبي الغالى
سايبنى فى حبه ألالى
وهو لا يبالى
ياريت ياغربة يرجع
يتكلم وأنا أسمع
والحب مابينا يجمع
ونعيش سمر الليالى
ياغربتي…………
لو جانى حبيبي صحيح
حانقفلك وسط الريح
ونكيدك والعزال
ونزيح جبل الأهوال
ولا يبقى بينا فصال
وعلى الله كل وتكالى
ياغربتي…………..
أنا نجمة العلالى
