عبت دفاها .. بقلم خون أنوب الجديد / معوض حلمي

 عبت دفاها .. بقلم خون أنوب الجديد / معوض حلمي

لسـه باحلـم بيـكي يامـا 

لسه صوتك بيرن ف وداني

لما كنـــتي تقـولي لامي

عوضه روحي ومعجباني

بيملى عيني وواد آيامـه

وانا لسه باحلم بيكي ياما

ولسه روحـي مودعـــاني

وليه ياستي الغيبه طالت

وانا كنت لعيـونك أماني

وكنتي ليا طوق نجااااااه

سيباني م الأحزان باعاني

وحداني بارمح ف الحياااه

قلبي اللي يشبه لوح قزاز

معـادش متحـــمل بعـادك

شافـوني خلـق الله نشاز

وقالوا عني عـياره فالـت

والجرح سايب ميت علامه

لســـاني باتنـــدم ندامـــه

ولسـه باحـلـم بيكي ياما

بابص ع الجدران عليـكي

واقــول هاتطـلع م الصور

وتكســـر البراويز وتيجي

هاتحس خوفي ورعشتي

والـبرد ســــــاكن جتـتي

عبت دفاهــــا بابتســامه

وجايه تجـــــبر لهفـــــتي

وتتازي أوضـتي والسرير

وتلف حمــــــل الصــوف

وتحضـــن ف البيــــجامه

والاقي قلبي ينول مناااااه

يااااااااه

بعد ماتعـــــودت دلعـــك 

قلــبي تااااااه ،، يااااااااه

طب مين هايدعك ضهري 

لما الغيط لواااه ،، يااااااه

وإيديكي كات تغنـــــيني 

عـن مليــــون حجـــــامه

وانا لسه باحلم بيكي ياما