تملي الصدفه ... شعر / محمود رمزي خليف تملي الصدفة خداعه بتبهرنا بحاجات حلوه تغمي عيوننا علي المعيوب وتفرش لينا كلام معسول تملي الضحكة كدابة تخبى هموم وجرح كبير وصوت صرخة لا هي بتطلع ولا عارفة تطبل زوووم أنين الصمت لوحده كتاب بداية أول القصه نظرة وشوق فحرف جميل تلاقي الورد متحلي وتنسي أنه قوامه الشوك لا بنفتح واحنا بندور ولا بنقدر نخبي الشوق ولا عارفين بأن المركب الساير اهو مكمل ولا همه الشراع مشروخ ولا فاكر بأن الموج سايبه يمر ولو فاكر بأن الموج حد لطيف تبقي عبيط دا لو مرة تحب تشوف لا هتلاقي شراع ولا زفت سبيني اكمل المشوار وانا عارف بأنك حلم طريق جاهل لاعمره في مرة هيحود ليك ولا عيوني بجلال روحها هتلمح ضلك الفايح يقوم عيني تفتح فيك ولا عمري ايديا دول لا هتشاور ولا تسلم ولا تلمس كفوفها ايديك سبيني اعيش في حلمك بس وانا راضي تملي الصدفه كدابة وخداعة تملي عيونك السمرة بتسرقني ولا بيدي ولا بخاطري ولا بكيفي اقول كفيت
