بين الناس … الشاعرة / إيناس فوزي

 بين الناس … الشاعرة / إيناس فوزي

وسط الكراسي ..

كرسي للحاسد و الحقود 

وسط التماسي ..

من يسلم ،

و إيده فيها من النار عود

وسط العيون ..

عيون تطمع في اللي مش ليها 

عيون تكدب عليك 

لو تبص فيها و تلاغيها 

تعالوا .. ننزل بين الناس 

نحجز كرسي ،

و نسلم بكف ناعم حساس 

، و عيوننا تختار من بين العيون 

إللي تناقشه و تحاكيه 

خسارة ..

 الكرسي طلع مكسور ،

و الكف صبح مبتور

، و العيون دارت كدبها بالجفون 

وسط الكراسي ..

كرسي للحاسد و الحقود 

وسط التماسي ..

من يسلم ،

و إيده فيها م النار عود 

وسط العيون ..

عيون تطمع 

في اللي مش ليها 

عيون تكدب عليك 

لو تبص فيها و تلاغيها 

ديوان غنوة جديدة