ماتفكريش إني ملاك … شعر / علي فاروق علي
ماتفكريش إني ملاك … شعر / علي فاروق علي
دا أنا باشتهي نظرة عينيكي
والله باوصل للهلاك
وأنا بأحضن اللمسة قي إيديكي
بأخدك وبأخد نظرتك
مع لمستك وأبعد بعيد
أتدارى عن كل البشر
وأفضل أقول وأعيد وأزيد
عاشقك يانور عيني أنا
إنتي أنا وأنا كلي ليكي
وألقاكي سارحة بنظرتك
ياسرحتك
يابسمتك
ياضحكتك
ياكل حاجة حلوة فيكي
ياكل شوق في القلب ليكي
ياجمالك وجمال النبضة
ياملامح تطرح لي مودة
أنا عاشقك كلك على كلك
لو ترضي غرامي أكون ضلك
..منك ليكي
لساكي ساكنة ف رقتك
ولا دي هيه سكتك .
ولاكسوفك سكتك
والعفة فيكي مسكتك
صحتني وكمان صحتك
وقلبي لساه بيناديكي
