الطرق بينا .. شعر / محمد عاشور
و تاهت كل الطرق بينا
و بعديها تمر سنين
على فراقنا
و ما يضعش الحنين منى
ملامحك تبقا جوايا ما بتغبش
و لكن قسوتك دايما ما بنساها
ويرغمنى الحنين ليكى
و تيجى تفتحى سكة
مابين قلبى و بين عقلك
و تستنى أخطى ف الطريق خطوه على قلبى
يقوم قلبى يقول الآه
تجيله الضحكة من عقلى
يقول اثبت
ما تتهزش
و انسى كل رقتها
ما ترجعشى
و ما تخفش
و لا تفكر ف نظرتها
وضحكتها
و شقاوتها
و أبدها ويا لمستها
ومشيتها وحلاوتها
وعضتها ف شفتها
وطعم الشهد من ريقها
و معسول الكلام منها
ولا تنسى قساوتها
ولا تسأل ف يوم فيها
دى غدارة
و بياعه
وكل وعودها نسياها
ما ليها امان
