ام الهنا ،،، وبهية: خاطرة بقلم/ د. لبنى يونس
ام الهنا ،،، وبهية
وست الدار ،
وجميلة وهانم ، وهنية ،
ستات كانت بعزة نفسها غنية تخرج من الدار مستورة ومستحية ،
و علي قد حنيتها قوية وعافية ،
وللعيال أم صالحة وناصحة وعنهم مش مشغولة ولا بالحياة عنهم ملهيه ،
مخلصة لجوزها وبيتها وعلي عيوبه ستر وغطا وللهموم مداريه ،
والعيشه معاه هو كمان سند وضهر وحماية ليها من كل اذيه و بلية ،
لا عمره هانها ولا خلاها ادام الناس مكسوفه مخزية ،
ولا قالها انتي ست قليلة عليا ،
وبكره اتجوز غيرك اصل الشرع حلل أربعة وانتي لطلباتي مش مكفية وموفية ،
صوته في البيت ترياق
يقولها يا ام العيال ربنا يخليكي ليهم وليا
يا ست الكل عشرتك حلوة وصحبتك من الله هدية ،
ايه جرالنا وليه بالسرعه دي اتغيرنا
فين المودة والرحمة والحنية
ولمة العيلة علي الطبلية ولقمة هنية تكفي من الحبايب مية
