ياريت تعودي بقلم  مصطفى محمد حفني 

ياريت تعودي

بقلم  مصطفى محمد حفني

بأدور عليك في كل سكه وكل إتجاه

يانبض قلبي يا سر وجودي والحياه

يا شمس عمري يا نور ب أمشي في ضياه

يا ضحكة عالية يا بسمة باتت ع الشفاه

غيبت ورحلتي وطعنتي قلبي وأنت مناه

الكون ب هجرك أصبح مخيف

كأنه غابه وفيها أنا عايش ضعيف

م أعرفش نوره هو اللي باهت ولا أنا اللي خلاص بقيت كفيف

وجودك أنت أصبح لي فارق يكشف لي عن اي زيف

ياريت تعودي ويعود معاك ربيع شبابي وروحي تحيا من جديد

يا أمل فاضل لي تعيش في ضلي ونرجع تاني من جديد

يرجع لي نبضي ويرجع سروري ونوري يسرى من جديد

يرجع لي فرحي وأنت تبقى والحب بنا كمان يزيد

بقلمي / مصطفى محمد حفني

25/11/2025