بين الحب والندم بقلمي رضا النادي وأمل النادي
بقلمي رضا النادي…. امل النادي
مكتوب أحس البنا
وياك و بيك يتهد
العمر يجري معاك
منه الألم يتعد
انا كنت أشوفك سما
أنزل لسابع أرض
أزرع خيالي جنان
مليانة حب و ورد
تطرح لي شوك الصبر
و بيبان جفاك والصد
ليه أشتريك وتبيع
متكونش ليا المد
أنا ياما عشت سنين
يمكن يبان الغد
لكن قساك خلاك
تملا الدموع في الخد
تبعد واستناك
ترجع وملوك زهد
اللعبة كانت أنا
تسقيك لقاها الشهد
وانت اللي ترمي بعيد
لا تصون لقا ولا ود
انا بيني بينك قلب
واهب لقلبك نبض
أنا بيني بينك قلب
بينك وبيني السد
الروح ماليها جروح
والعود خلاص اشتد
دلوقتي بس سلام
من غير ملام ولا رد
…….(أمل النادي)……..
“لسه المكان دافي”
لسه المكان في القلب دافي
ومستني منك بس خطوة
يا أغلى حلم وخلّ صافي
يا اللي لقاك في الروح غنوة
باعتب عليك بقلب عيّل
خايف حبيبه يغيب سنين
لو مِلت.. قلبي عليك يميّل
ويشيل معاك حمل الحنين
أنا مش باحاسبك ع اللي فات
ولا قصدي أزود في الملام
أنا بس بـأحيي فينا حاجات
ماتت في زحمة هـ الخصام
تعالَ نمحي الشك بينا
ونرسم ضحكة فوق الشفا
ده الحب لسه في ايدينا
والدنيا محتاجة الوفا
هات ايدك الليلة في ايدي
وقول لي إنك لسه شاري
يا أحلى أيامي وعيدي
يا أغلى سر في عمري داري
….. (رضا النادي)……
