قدرية مصطفى تكتب ليه يا دنيا بتقفلي الباب في وشي من قبل ما اخبط

ليه يا دنيا بتقفلي الباب في وشي من قبل ما اخبط

ليه بتسرقي الفرحه من قدام عيني وسايباني بين سطورك امشي واتلغبط

ده انا وحيده وعايشه وساكته وقليله الحيله وبين جدرانك بتخبط

من ساعه ما جيت فيكي يا دنيا وانت قاسيه عليا

وكل ما احن ليكي تقفلي باب الحنيه

ومقعداني فيكي ضيفه وواحدنيه

ويوم ما تبعتي ليا ونيس واحس انك راضيه عليا

يسرق قلبي ويجرحني ويسيبني وحيده ولا يسال فيا

خلاص ما بقتش قادره عليك يا دنيا

لا شايفه فيكي امل ولا شايفه فيكى حنيه

كفايه تشيلي وتحطي وتكسري فيا

انا لحمل الم ولا وجع ولا حمل مسؤوليه

انا عايزاك تصالحيني وتفتحي لي بابك يا دنيا وتقفلي عليا

شعر نثرى حر

ليه يا دنيا

للشاعره والاعلاميه قدريه مصطفى