لم العمر حب متاخر
لم العمر حب متاخر
للشاعره والاديبه
قدريه مصطفى
كان في التلاتين ولسه الحلم في عينيه
وهي في الاربعين بس الطيبه ساكنه فيه
قابلها صدفه والدنيا تغير لونها
ضحكت له نسي سنه وسنونها
قال لها انت النسمه اللي عايشه جوايا
لو تبعدي لحظه قلبي موت وياي
قالت له خايفه اظلمك بالعمر
انا خطواتي تعبانه وانت في البدء
حاول يقنعها وقال لها الحب ملهوش
سنين
ده فيكي لقيت الحياه والفرح والحنين
بس هي دمعت وقالت له سيبني اروح
قبل ما الزمن ما يضحك علينا بالجروح
مشيت وثابت في حضنه فراغ
وثابته ينادي اسمها في الف طريق وبلاغ
ومن يومها قلبه سكت بس صوته في الدعاء
يا رب خليها بخير وان كانت بعيده
تبقى معايا في الرجاء
بيحلم بيها كل ليله في المنام
ويفوق على ريحتها في الكلام
وهي برده بتنام على الدمع والحنين وتقول في سرها ما كانش ذنبي بس كان نصيبنا حزين
انا اللي مشيت بس قلبي ما قدرش يمشي
سابني هناك عند اول كلمه قالها وهمس لى
قال بحبك والكلمه لسه جوه في وداني
بتصحيني كل ليه لو توجع احضاني
كنت بخاف من بكره مجهول
ومن كلام الناس والفضول
وهو كان حلم كبير وامل وامان
بس خفت عليه مني ومن حكم الزمان
قلت اسيبه قبل ما يبقى وجعي فيا
واسيب الدنيا تضحك لو مش بيا تبقى بيه
بس بعده عني موت على الهادي
عيوني تدمع وقلبي ينادي
بيجي في خيالي ما بين النوم والصحوه
امد ايدي المسه لكن الهوى يروح سهوه
افتكر ضحكته واسكتوا ونظرته الحنون
واقول لنفسي كان يستاهل يعيش الجنون
دلوقتي عايشه بس ناقصه الروح
ايه اللي خدها ومشي وسابني للبوح
بحكي له في قلبي زي ما لسه هنا
وكل مره اقول خلاص،، وارجع انا
هم الاثنين لسه هناك
بين ذكرى وضحكه وصوره في الهوا باقيه
وهو يدعي ليها في ليله
وهي تبكي عليه،، ويفضلوا حبايب
وإن البعد بالجسد
فالقلب ملهوش سلطان عليه
