كنا زمان بنفرح ... رباعيات من زمن فات صابرقدح كنا زمان بنعزم ع الفرح والحنة ساعتين قدام البيت والكل يتهنى ملو الدنيا كنا بنفرح ونزأطط و الفرحة بتقعدبالبيت وتستنى وعجبي على قد الحال كانت بتّم وتعدّي والفرحة تملى جيوب العيال وتْعَبّى والكل مزاجه عال العال... عنب لادين علينا ولاعزال يتركن ويصدي وعجبي ولاميت فوطة ولا ألف ملاية ولانيش كل شغلته انه مراية ولاخمسين طقم تاكلهم العتة وتنجبر. أقل القليل يكون كفاية وعجبي ماكانش فيه عشرين عربيةللعزال كانوا نفختين بالناى وكام موال ويدوم الفرح بالشهور والسنين ويعدى واحنا بأحسن الأحوال وعجبي خدوهم فقرا يغنيكم ربنا وترتاحوا وسيبك من هري الناس هاينزاحوا كده كده بيتكلموا وبردومش عاجب لاديون ولااقساط والرضا مفتاحه وعجبي كنا بنعمل الفرح خواتم وعقود عُقدمليان بالفرح والتانى بالورود كنا نوزع الضحكة تكفى قارة. البساطة زي الخيمة وتد وعامود وعجبي لاكان دي چي أوفرقة أوقاعة كانت نقرتين ع الطبلة بوداعة يملوا كفوف الصبايا بالحنة من غير مياصة ولاّ خلاعة وعجبي امتى نفوق ونرجع ليهامن تانى البسمة اللى كانت والله واحشانى عمر الجواز ماكان عُقد وديون وكل شويةاغيّر م الديّانة عنوانى وعجبي كنازمان بنفرّقه ف اطباق وصوانى ونعبي الهنا زكايب و اشولة وأوانى مافيش ماعون ساكت كله بيزغرط يفضل الفرح ويتلم الدور ف ثوانى وعجبي من غير ديون أو أفورة ومشاكل من غير فشخرة أو دماغ آفل دى عندى ودا عندك وبنزغرط والود بينّابيدوم عاجل وآجل وعجبي كنا زمان البساطة لينا عنوان والمتر ف الدار يساوى فدان والحضن مفروش لكل الخلايق والقلب من كل الخيرات مليان وعجبي كان الأساس نغرس نبتة للعيلة تزهّر وتنوّر كل يوم وكل ليلة تملى الشوارع بالقيم والأخلاق و بتبنى بنى أدمين قد الشيلة وعجبي كنازمان بنفرح بجد والفرحة بتعلم لافشخرة. ولا نأورة. والكل بيسلم الصفاء كنا بنعبيه فى قلوب تتوزع وجبر الخواطر كان الأساس يامعلم وعجبي
