مصر 🇪🇬 شعر تهانى عبد الفتاح عدس ——————————- ووحده وحده علي الزمن وبلاش غباوه ملعون شطانك الف مره وكل مره ميت سؤال انتى ظالمة ولا حايره وجايه في يدك ميت جواب دا الزمن هدك وتعبك مد ظهرك ولا ذلك و رغم كل اللى حصلك لسة فيكى حيل تعافرى .... باقي ايه عشان تحسي ادي ولادك و اتشردوا وادي خًواتك وتبروا راح جيرانك غضبوا منك والي كان واقف في ضلك قال هسندك وقت ضعفك واقف طبور لأجل هدمك اللى باعك و اللى خانك واللى لعنك و اللى سبك و اللي فيكي عاش ودايب مهما ضاق الحال عليه لسه واقف لسه صامد .... وانتى شبّه وبضفاير لسه حلوة زي مانتي لكى هيبة وليكي حاجب واي واحد شاف حنانك رغم ظلمك قال يحبك ومهما طال العمر بيكي مر عمرك أو كبرتي وشيلتى الهم الدنيا بدرى ورغم همك وكتر مرك لسة بردوا بقول بحبك معرفشى ايه الحلو فيكى مهما ابعد ولا اهرب لفه تانى وليكي برجع .... قلت هكتب ذم فيكي هلعن دا ظلم وكل قسوه كل مره بوصفك ألقى قلمي ينصفك لما قولت هرسمك جه في خيالى كل حاجه كل حلو وكل مر مش حلاوه بنت سمره مش قصدي هرمك ولا نيلك احلي فيكى هما أهلك و يا ناسك كان زمان معروف بدمه خفه ذوق وبن ناس رغم أنه يبان بشوش ضحكه عاليه وقلب صافي رغم ذالك بات حزين همه انتي وليكي شايل ... مصر انتي للعجايب حاجه حلوه برغم ذالك بس عندي ليكي حاجه دول ولادك دول امانك حافظى على أولادك شويه و ساندى فيهم مد ايدك للى حاضر واللى غايب هما إيدك هما زادك لما تبقي الايد ووحدة عمر فيكم ما يبقي جاير هيبقوا ضهرك كل سندك مصر باقيه للقيامه هي باقية غالية علينا
