عقوق الآباء للأبناء.. بقلم الإعلامية/ شهد نبيل
*ظلم الاهل*
اخباركوا ايه اتمنى يكون يومكم سعيد أنا النهاردة جاية اتكلم عن موضوع مهم جدا وحساس جدا يا ترى ايه هوة الموضوع ده الموضوع ده عن ظلم الاهل الموضوع ده ناس كتير اوي بتعاني منه وبيأثر عليهم تأثير سلبي وبيدخلهم في حالة نفسيه ملهاش اخر ويشتتوا تفكيرهم في حياتهم العاطفية.
*يا ترى ايه هوة ظلم الاهل*
*ليه مواقف كتير زي ايه مثلا*
1/ التمييز بين أولادهم
2/ فرض قرارات غير عادلة او حتى بيقولوا ألفاظ إباحية الظلم ده بيسبب اثار سلبيه جدا
وبيؤثر ع العلاقات الأسرية
*طب وي ترى ازاي نتعامل مع الظلم ده*
اهم حاجة نحط ف دماغنا أن الظلم ليس مقبولا في حياتنا سواء كان من الأهل أو من أي شخص ربنا سبحان وتعالي حرم الظلم ع نفسه وجعله محرما بين العباد إذا جالك شعور انك اتعرضت للظلم في اهم حاجة تعترف ب ده وتبحث عن طريقة تعاملك معاه وتهاجمه ومتتأثرش .
*زي ايه مثلا*
زي التواصل المفتوح حاول تتكلم كتير مع أهلك بصراحة وهدوء وتكون مختار الوقت المناسب اللي تقدر تتكلم فيه مع أهلك
وتتجنب الانفعال الزائد يمكن ده يساعدك انك توصل الرسالة اللي انت عايزها بشكل أفضل
انت ممكن تتعامل مع الظلم ده بمساعدة حد من أفراد العيلة تكون واثق فيه أو مستشار نفسي
الصبر والتحمل في بعض الأحيان بيخلوك عندك ايمان بربنا أن اكيد ربنا هيعوضك انك تطلع من مود الظلم انك تخرج تعمل حاجة بتحبها
الحفاظ على الحدود اهم حاجة تحافظ على حدودك النفسية وان تدافع عن حقوقك بطريقة محترمة
متسمحش لحد أنه يقلل من قيمتك
*كيفية التغلب على ظلم الاهل*
التفكير الايجابي حاول تركز على الجانب الإيجابي اللي ف حياتك والحاجات اللي انت بتحب تعملها ده بيساعدك انك تطلع من الظلم اللي ف حياتك
انك تقرب من حد واثق فيه إذا كان من اصدقائك أو من أفراد عائلتك عشان تتكلم دي ف حد ذاتها راحة لانك بتخرج التأثير السلبي اللي جواك
طور من نفسك استثمر ف نفسك من خلال التعليم والتطوير الشخصي ده بيعزز ثقتك ف نفسك وبيخليك عندك القدرة انك تواجه اي مشكلة وتقف قصاد اي تحدي مهما كان
التخطيط للمستقبل حط خطط وهدف انك تحقق أهدافك الشخصية والمهنية ده لوحده كفيل انك تحس بالتحكم في حياتك ويقلل من تأثير الظلم
لو انت بتعاني فعلا من ظلم الاهل افتكر انك مش لوحدك ودائما فيه طرق كتيرة انك تتعامل بيها مع الوضع ده وتحسن من نفسك
شكرا لمشاهدتكم وسماعكم
