الخيانة… السقوط اللي بيصحيك

كتبتها د/ماهي احمد
الخيانة—سواء من أهل كان المفروض يكونوا أمانك، أو من حبيب كان المفروض يكون حضنك—
مش خطأ عابر…
دي هزة عصبية بتفصل بين مرحلتين في حياتك:
مرحلة كنتي فيها بتصدّقي الناس،
ومرحلة هتبدئي فيها تصدّقي حدسك.
علم النفس يقول:
اللي يخون مش “قوي”…
اللي يخون غير ناضج عاطفيًا،
مش قادر يتحمّل مسؤولية مشاعره،
فيهرب… يجامل… يكذب… ويبحث عن منافذ بدل ما يعالج نفسه.
خيانة الأهل؟
مش دليل إنك مش محبوبة…
دليل إن عندهم قصور في التعلق،
ما عرفوش يوفروا الأمان لأنهم نفسهم ما أخدوش أمان.
وخيانة الحبيب؟
مش دليل إنك ناقصة…
دليل إنه مش قادر يحتفظ بعلاقة ناضجة،
فيلجأ للبديل بدل ما يواجه الحقيقة.
الصدمة تكسّر…
بس في التحليل النفسي:
هي اللحظة اللي الأقنعة بتنزل،
واللي وعيك فيها بيولد من جديد.
أشرس درس؟
إن اللي يخونك بيصغّر نفسه…
لكن رد فعلك هو اللي يكبّرك:
تعرفي حدودك،
تحمي طاقتك،
وتطلعي بنسخة واضحة، ثابتة، ومش محتاجة تصدّق كلمات…
لأنها بتشوف السلوك صح.
الخيانة مش نهايتك…
الخيانة بدايتك الواعي