علي اسم بلدي الغاليه سموني مصريه( ميمي عبد التواب)
علي اسم بلدي الغاليه سموني مصرية
بنت بلد جدعه وعندي شخصيه
شديده وقت الجد بس كلي حنيه
من الصعب عمري ما اهرب ما انا اصلي عنديه
بس عارفه حدودي صح اصلي بنت متربيه
ربي و ديني و رسولي في الاولويه
ولما احب بجد ولا اجدع رومانسية
واكتب في العشق قصه وفي الحب حقيقيه
قولولي مين زيي في الكره الارضيه
اخدت في الاخلاق الجائزة العالميه
اصلي مش اي حد انا بنت عربيه
جواها بحار من حنان واحلام ورديه
وفي الحب ضيفه مش قولتلك ياجدع هي دي البنت المصرية.. 👌ميمو
