لسعات العسل لاسود .. بقلم/ عاصم المركبى
مساء 15 مايو 2023
شالت حرف الراء من كلمة حرب
قفلت شيش البلكونه
نفخت في الورد الزيّنه على الكوميدينو
خلعت تسعه وتسعين في المِيّه من ملابسها
ولّعت الأباجوره
ظهرت أفريقيا
من غير ما تفوّت حاره
أو ورقه في غابه
وخليّه خليّه من غير مجهود
بالدفا وهّابه
ورتني خرايط العالم
قبل السومريه
واليونانيه
الألوان الطبيعيه بجد
ريحة الدُره والفاكهه
جمال البشره السمرا
**
من أول لمسه
وانا بشرب نقطه بنقطه في عسلها الأسود
قعدت تحكي عن وضع بلدهم
قبل صراع الجنرالات
قبل المبعوث الأممي
أيام القمح
قصب السكر
النزهه في النيل الأزرق
وخطف الأحضان والقُبلات
**
رحلِتْ من غير ما اعرف امتى وفين
وسابت لي قصيده
إتخيلت هدوء العالم
لو إن القاده بقلوب عاهرات
